ЭМЯ-наас өнөөдөр /2020.11.28/ 11.00 цагт коронавирусний цаг үеийн ээлжит мэдээллээ хүргэлээ. Энэ үеэр ХӨСҮТ-ийн Тандалт судалгааны албаны дарга А.Амбасэлмаа: “Нийт 11929 хүнд PCR шинжилгээ хийлээ.
Манай улсад тохиолдол 22 шинээр бүртгэгдэж нийт батлагдсан тохиолдлын тоо 760 боллоо. Дотоодын нийт халдвар 318 болсон.
Тус батлагдсан тохиолдлууд нь өмнөх батлагдсан тохиолдлуудын ойрын хавьтал байна.
Улаанбаатар хотод 5 тохиолдол шинээр бүртгэгдэж 70 тохиолдол боллоо.
Сэлэнгэ- 10 тохиолдол шинээр бүртгэгдэж 167
Дархан-Уул аймагт 2 тохиолдол шинээр бүртгэгдэж 35
Орхон аймаг 1 тохиолдол шинээр бүртгэгдэж 23
Дорноговь- 1 тохиолдол бүртгэгдэж нийт 21
Орхон, Говьсүмбэр аймагт шинээр халдвар илрээгүй” гэлээ.
Мөн өнөөдрийн хэвлэлийн хурлын үеэр Хөл хориог дахин сунгаж магадгүй ХӨСҮТ-ын Тандалт судалгааны албаны дарга А.Амбасэлмаа хэллээ. Тэрээр
-Халдварын нөхцөл байдал амаргүй байна. Нууц үеийн хугацаа 14 хоног байна. Анх халдвар бүртгэгдсэнээс хойш нэг нууц үеийн хугацаа дуусаж байна. Одоо хяналтын үеийн 14 хоног маш чухал. Учир нь зарим иргэдийн халдвар 19, 20 дахь хоног дээрээ илэрч байгаа учир хөл хориогоо сулруулахгүй байх нь чухал байна.
Тиймээс мэргэжлийн байгууллагууд хөл хориог 14 хоног сунгах саналаа УОК-т өгсөн. Өнөөдөр эрсдлийн үнэлгээг дахин хийнэ гэж мэдээллээ.
